શ્રી જયંતિભાઈ શિયાળ

માધ્યમિક અને ઉચ્ચતર માધ્યમિક વિભાગ ગુજરાતી માધ્યમ

|| જ્ઞાનજ્યોત પરિવારના ત્રીવેણી સંગમો ||

“સમય કોઈને છોડતો નથી.” સમયરૂપી સરિતા સદા વહેતી જ રહે છે. સમયના પસાર થવાથી હંમેશા દરેક બાબતમાં પરિવર્તન આવતા જ રહે છે. પરંતુ સૌથી વધુ પરિવર્તન શિક્ષણક્ષેત્રમાં થવા પામ્યું છે. તેથી જ્ઞાનની ક્ષિતિજો બ્રહમાંડની જેમ વિસ્તરવા લાગી છે. આથી દરેક મનુષ્યે પોતાના જ્ઞાનમાં વધારો કરવો અત્યંત જરૂરી બની ગયું છે. પરંતુ જ્ઞાનમાં વધારો માત્ર કરવાથી મનુષ્ય સફળતા મેળવી શકતો નથી. તેથી સાથે સાથે જ્ઞાનનો ઉપયોગ કરવો અત્યંત જરૂરી છે. આજ કારણે વર્તમાન સમયમાં “Knowledge Is Power” ની કહેવત ખોટી પડી છે. અને “Apply Knowledge Is Power” ની કહેવત સાચી પડી છે. ઉપરોક્ત કહેવતનો અર્થ થાય છે. “જ્ઞાન એજ શક્તિ છે.” એ વાતમાં હવે તથ્ય રહ્યું નથી પરંતુ “જ્ઞાનનો ઉપયોગ એજ ખરી શક્તિ છે.”

                કહેવાનું તાત્પર્ય એ છે કે તમારી પાસે કોઈપણ ક્ષેત્રનું ગમે-તેટલું જ્ઞાન હશે પરંતુ એ જ્ઞાનનો જો તમે ઉપયોગ કરશો નહી તો તમારૂ જ્ઞાન નિરર્થક નિવડશે.

                                આવો આપણે બધા જ્ઞાનને ઉપયોગી બનવવા માટે પ્રયત્ન, પરિવર્તન અને પ્રગતિના ત્રીવેણી સંગમમાં ડૂબકી લગાવી સમગ્ર વિશ્વને ઉપયોગી બનીએ. પ્રયત્ન પરિવર્તન અને પ્રગતિના ત્રીવેણી સંગમને વિસ્તારથી સમજીએ, કોઈપણ ક્ષેત્રમાં વિશિષ્ટ જ્ઞાન મેળવવા માટે આપણે સંપૂર્ણ પ્રયત્ન કરવું જોઈએ. જો આપણો પ્રયત્ન ઓછો હશે તો સફળતા એના જ ચરણોમાં જઈને પડશે જેણે સફળતા મેળવવા માટે પૂર્ણ પ્રયાસ કર્યો હશે. માટે જ પ્રયત્ન ત્યાં સુધી કરો જ્યાં સુધી સફળતા મળે. અધૂરા પ્રયત્નો કે ખોટી દિશામાં કરેલા પ્રયત્નો એ સમયની બરબાદી છે.

                બીજી બાબત છે. “પરીવર્તન” પરીવર્તન એ દુનિયાનો નિયમ છે. તમે દૂર સુધી નજર દોડાવશો તો તમને જાણવા મળશે કે સમગ્ર બ્રહ્માંડમાં ડગલેને-પગલે પરીવર્તન આવતું જ રહે છે. જેમકે બ્રહ્માંડની ક્ષિતિજો વિસ્તરતી રહી છે. નદીઓનાં વહેણ બદલાતા રહે છે. જમીનની જગ્યાએ પાણી અને પાણીની જગ્યાએ ટાપુ કાળક્રમે થતા રહ્યા છે. સમયનાં બદલાવ સાથે તમારા વર્તન, સ્વભાવ, જ્ઞાન, ક્ષમતાઓમાં તમારે પરીવર્તન લાવવુંજ પડશે. નહી તો કુદરત, સમાજ, લોકો તમારો સ્વીકાર કરશે નહી. તમે એકલા અટૂલા થઇ જશો. આ દુનિયામાંથી ફેંકાઈ જશો. આ માટે એક નાનું ઉદાહરણ સમજીએ, વર્ષો પહેલા રાજદૂત મોટરસાઈકલ લોકો માટે પોતાની આન-બાન અને શાન કહેવાતી હતી. આજના સમયમાં બીજી મોટરસાઈકલનાં પ્રમાણમાં રાજદૂતમાં કોઈપણ વિશેષ પરીવર્તન ન લાવવામાં આવ્યું. આથી રાજદૂત હવે આપણને ભંગારમાં પણ જોવા મળતા નથી. માત્ર એકલું અટૂલું મ્યુઝીયમમાં જોવા મળે છે. માટે જ સમાજ અને શિક્ષણમાં આવતા પરીવર્તનનો સહજ સ્વીકાર કરો. શિક્ષણ દ્વારા સમગ્ર વિશ્વમાં પરીવર્તન લાવી શકાય છે. જે આજના સમયમાં જરૂરી છે પછી તે વિષય શિક્ષણ હોય કે સંસ્કારોનું શિક્ષણ હોય માનવીના  મૂળ શિક્ષણમાં દટાયેલા છે.

                ત્રીજી બાબત છે, પ્રગતિ. તમે સફળ ત્યારે જ કહેવાશો જ્યારે તમે તમારા જીવનમાં પ્રગતિ સાધી શક્યા હોય. તમારા જ્ઞાન, સંસ્કારો અને સંપત્તિમાં પ્રગતિ અત્યંત આવશ્યક છે. પ્રગતિ વગર તમારા જીવનમાં સ્થિરતા આવી જાય છે, અને ઘણીવાર તો એવું બને કે જીવન અધોગતીમાં ધકેલાય જાય.

                જીવનમાં સાચા અને સારા માર્ગે પ્રયત્ન કરવાથી પરીવર્તન લાવી શકાય છે. અને પરીવર્તન લાવી પ્રગતિ સાધી શકાય છે.

                આપણા જ્ઞાનજ્યોત વિદ્યાલયમાં વાલી, વિદ્યાર્થી અને સંચાલકો દ્વારા ત્રીવેણી સંગમની રચના કરવામાં આવી છે. જેમાં વાલી મીટીંગ, પ્રોજેક્ટ , સ્પર્ધા , પ્રદર્શન , પરીક્ષા, વિદ્યાર્થી દ્વારા થતા વિવિધ પ્રોગ્રામો રમત-ગમત થકી સંપૂર્ણ ત્રીવેણી સંગમમાં ડૂબકી લગાવવાનો પ્રયત્નો કરી વિદ્યાર્થીઓને સફળતાના શિખરે પહોંચાડવામાં આવે છે.

                આજના સમયમાં માત્ર શિક્ષક કશુંજ નથી કરી શકતો. વિદ્યાર્થી પણ બધો ભાર નથી ઉપાડી શકતા અને વાલી પણ શિક્ષણની દરેક બાબત નથી સમજી શકતા માટે જ વાલી વિદ્યાર્થી અને શિક્ષક ત્રણે ભેગા મળી, ગંગા, યમુના, સરસ્વતીરૂપી ત્રીવેણી સંગમમાં અવાર-નવાર ડૂબકી મારી આપણા સંતાનોને શિક્ષણ, સંસ્કાર અને સફળતા અપાવતા રહીએ. આ માટે જરૂરી છે. જ્ઞાનજ્યોત વિદ્યાલયની પદ્ધતિને સમજવાની અને એકવાર અવશ્ય મૂલાકાત લેવાની, કે જ્યાં શિક્ષણ, સંસ્કાર અને આધ્યાત્મિકતાનો સમન્વય કરવામાં આવ્યો છે.

શ્રી કિશોરભાઈ બાંભણીયા

માધ્યમિક અને ઉચ્ચતર માધ્યમિક વિભાગ ગુજરાતી માધ્યમ

માધ્યમિક અને ઉચ્ચતર માધ્યમિક વિભાગ ગુજરાતી માધ્યમ

જ્ઞાન જ્યોત વિદ્યાલયની સત્તાવાર વેબસાઇટ પર આપ સૌનુ ઉષ્માભર્યુ સ્વાગત છે. સુરતના નવવિકસિત વિસ્તાર અને મહર્ષિ આસ્તિક ઋષિની પાવન ભુમિ પર  વિદ્યમાન /આવેલી આપણી શાળા શ્રી જ્ઞાન જ્યોત વિદ્યાલય સ્વસ્થ, સશક્ત અને સુશીલ સમાજ ના સર્જન માટે અથાક પ્રયત્નો સાથે સતત કાર્યશીલ છે અમારી શાળા - સંસ્થાનુ એક્માત્ર અને લાંબાગાળાનું ધ્યેય આપણા સમાજ અને રાષ્ટ્ર એક સક્ષમ,  સશક્ત અને ગુણિયલ નાગરિકની ઉદાત ભેટ આપવાનું છે.અમારી શાળામાં શિક્ષણ મેળવનાર/પ્રાપ્ત કરનાર  દરેક વિદ્યાર્થી/બાળક શારીરિક, માનસિક અને/તેમજ બૌદ્બિક એમ સર્વગ્રાહી અને સર્વાંગીણ વિકાસ હાંસલ કરે એ અમારી નેમ છે. અમારા સમગ્ર શાળા પરિવાર વતી આપસૌને વિશ્વાસ અપાવવા માંગુ છુ કે અહીં અભ્યાસરત કે અભ્યાસ અર્થે જોડાનાર આપના સંતાનના સર્વાંગિણ વિકાસ અને પ્રગતિની અમે હંમેશા ફિકર કરતા રહીશું.

       આપ સૌ જણો જ છો કે ઉજ્જ્વળ કારકિર્દીની પ્રાપ્તિ અને ઉચ્ચ કક્ષાનું જીવન ધોરણ એ સૌ કોઇ માટે ગૌરવની વાત છે.આપણા રાષ્ટ્રને વિકસીત અને સુખ-ચેન સાથે જીવવા યોગ્ય બનાવવા આપણા સૌના અનિવાર્ય યોગદાનની તાતી જરૂરિયાત છે જ.માટે જ શિસ્તબદ્ધ અને સંસ્ક્રુતિની વાહક એવી આર્થિક-સામજિક અને સાંસ્ક્રુતિક રીતે સદ્ધર યુવા પેઢિ જ ભાવિ વિશ્વગુરૂ એવા ભારતવર્ષ નું નિર્માણ કરી શક્શે અને આ ઉદ્દેશ્યને ચરિતાર્થ અને સાર્થક કરવા જ્ઞાનજ્યોત વિદ્યાલય સતત પ્રયત્નશીલ છે. શાળા એ તંદુરસ્ત અને સુખી-સંપન્ન સમાજના નિર્માણ માટેનુ એક સબળ માધ્યમ છે જે સમાજને સતત નવીન અને રચનાત્મક પરિવર્તનોની દિશામાં આગળ વધવાનો માર્ગ ચીંધે છે. સમાજને નવી દિશા આપે છે. અને આ માટે અમારી શાળાસંસ્થા આ મહત્વની બાબતોને ચરિતાર્થ કરવાની દિશામાં સતત પ્રયત્નશીલ રહી આપનું હમેંશા માર્ગદર્શન કરવાની જવાબદારીનું સુપેરે/સારી રીતે વહન કરી રહી છે અને આગળ પણ અવિરત તેમ કરતા રહેવાની પ્રતિબદ્ધતા દાખવે છે.

        અંતમા,આપના સંતાનોના જીવનઘડતર ને સાર્થક બનાવવા,તેઓની ઉચ્ચ કારકિર્દી ઘડવા અને તેઓમાં ઉત્તમ માનવીય મૂલ્યોની ખીલવણી કરવા શક્ય બધી જ ઉર્જા અને સામર્થ્ય ને ખર્ચવાની અમારી તત્પરતા સાથે જ હું આપ સૌને શાળા પરિવાર વતી શાળાની આ સત્તાવાર સાઇટ પર આમંત્રિત કરુ છુ,આવકારુ છુ.